Gievgia, ils 2 da november 2017 ein ils representants dallas classas e digl internat sentupai ensemen cun la direcziun da scola a caschun dalla seduta constituziunala dall'organisaziun da scolars.

Suenter ils plaids d'introducziun partenent ina collaboraziun cooperativa, ha la direcziun explicau co il svilup d'ina conresponsabladad dils scolars duei crescher en pass precauts denton concrets.

Suenter in gentar communabel han ils giuvenils priu la caschun da presentar lur giavischs concrets tschentond differents accents.

Quei ha giu liug el senn da sogn Benedetg che recamonda da dar specialmein udida als pli giuvens.

La suprastonza consista actualmein da treis persunas, mintga classa tschenta in schef da classa ella representanza da scolars.

La representanza da scolars vegn accumpignada entras sgr. Manfred Walter.

Cheu vesis Vus ina cuorta retrospectiva filmica dalla seduta constituziunala dall'organiszaiun da scolars:

 

https://www.youtube.com/watch?v=ij7SpIQGO-4&feature=youtu.be